<?xml version="1.0" encoding="UTF-8"?><song><hymn_number>6167</hymn_number>
<title>أنا لي أصحاب</title>
<lyrics>[V1]
 القرار- أنا لي أصحاب أنا لي أحباب أنا لي جيران
 أنا لي معارف وزمايل من كل لسان
 وبحب الناس من حولي وفي كل مكان
 وبحب الكل ومش فارق عندي العنوان
 1- أصحابي الأسود والأبيض والقمحي كمان
 وطويل وقصير ورفيع قوي أو مليان
 دول زي الورد اللي بيطرح جوه البستان
 وبحب الكل ومش فارق عندي الألوان
 2- مش لازم صاحبي يكون صورتي أو زيي تمام
 أصحابنا كتير وبيختلفوا زي الأنغام
 يمكن يختلفوا في أشكالهم وفي أفكارهم
 حنحب الكل ونقبلهم مش بس كلام
 3- وبكل صراحة هانتفاهم ونعيش في سلام
 ونحقق أنا وإنت وهو كل الأحلام
 والحب يكون بالفرحة كل الأيام
 ومافيش تخبي ومتداري ولا استفهام</lyrics>
</song>